გაერთიანებულ სამეფოში ჩატარებულმა რეფერენდუმმა, შესაძლოა, ევროპის კონტინენტზე პოლიტიკური და ეკონომიკური რეალობა სრულიად შეცვალოს. ბრექსითიმ ევროკავშირის წევრ სხვა ქვეყნებში ულტრანაციონალისტური ძალების გაძლიერებისა და ანალოგიური რეფენდუმის ჩატარების ალბათობა გაზარდა. ევროსკეპტიკოსების ოცნება რეალობასთან ასე ახლოს არასდროს ყოფილა. ბრიუსელისადმი სკეპტიკური დამოკიდებულების გარდა, ევროკავშირის დაშლის მომხრეებს კრემლის ლიდერის - ვლადიმერ პუტინისადმი სიმპათიებიც აერთიანებთ.