ღვინის ეროვნული სააგენტოს მხარდაჭერითა და მარკეტინგული კომპანია „Meiburg Wine Media”-ის ორგანიზებით, შანხაისა და ჰონგ-კონგში ქართული ღვინის ფესტივალი ჩატარდა.
ორი დღის განმავლობაში, შანჰაის "რუზველტის სახლსა" და ჰონგ-კონგის სასტუმრო "კორდისში" გამართულ ქართული ღვინის მასტერკლასებსა და დეგუსტაციებს კომპანია Meiburg Wine Media-ს ხელმძღვანელი, ღვინის მაგისტრ დებრა მეიბურგი უძღვებოდა.
ქართული ღვინის ფესტივალს მრავალი ვიზიტორი ესტუმრა: ადგილობრივი მედიის, ღვინის ინდუსტრიის, სასტუმროებისა და რესტორნების, იმპორტიორი კომპანიების, ღვინის საგანმანათლებლო, ღვინის მარკეტინგული კომპანიების წარმომადგენლები, რაც ძალიან მნიშვნელოვანია ქართული ღვინის პოპულარიზაციისთვის ჩინეთის ბაზარზე.
მთელი დღის განმავლობაში სტუმრები ეცნობოდნენ ქართული ღვინის ისტორიასა და კულტურას, აგემოვნებდნენ ქართულ ღვინოებს ადგილობრივ პოპულარულ კერძებთან ერთად.
ფესტივალზე წარმოდგენილი იყო შემდეგი ქართული ღვინის კომპანოების სხვადასხვა სტილის ღვინოები: "ბაგრატიონი", "შატო მუხრანი", "დუგლაძეების ღვინის კომპანია", "Gჭშ", "კახური ტრადიციული მეღვინეობა", "კახური ღვინის მარანი", "მეღვინეობა ხარება", "მილდიანი" "უსახელაური ვენახები".
მიმდინარე წლის 6 თვის მონაცემებით ჩინეთში ექსპორტირებულია 1,9 მლნ ბოთლი ღვინო, რაც 148%-ით აღემატება გასულის წლის ანალოგიურ მაჩვენებელს.