დუმილის დღე სიის პრეზენტაციამდე. ოცნება დიდი შეკრებისთვის ემზადება
- ახალ სახეებს ამომრჩეველს, პრემიერი 13 ივლისს, წარუდგენს. პარტიული ღონისძიება საგურამოში გაიმართება.
სალომე ზურაბიშვილი, ბექა ოდიშარია და კობა ნარჩემაშვილი ეს მმართველი პარტიის საარჩევნო სიის სავარაუდო კანდიდატების მხოლოდ ნაწილია.
ასევე გავრცელებული ინფორმაციით ახმეტაში ზურაბ ზვიადაურის ნაცვლად სახელდება თელავის მოქმედი მაჟორიტარი დეპუტატი გელა სამხარაული. დეპუტატი კონსულტაციების მიმდინარეობას ადასტურებს, თუმცა კონკრეტიკისგან თავს იკავებს.
ახალ სახეებთან დაკავშირებულ კითხვებს საზოგადოების გარდა ქართული ოცნების ძველი დეპუტატებიც სვამენ. ნუკრი ქანთარიასა და ომარ ნიშნიანიძისთვის ამ დრომდე უცნობია რა როლი ერგებათ 2016 წლის საპარლამენტო არჩევნებში.
საკანონმდებლო ორგანოს წევრები პერსონიფიცირებისგან თავს იკავებენ თუმცა სიურპრიზებს გვპირდებიან
კონსერვატიული პარტია 2016 წლის საპარლამენტო არჩევნებში ძალებს ფრაქცია ქართულ ოცნებასთან ერთად მოსინჯავს. ეს თავად ლიდერმა დაადასტურა.
ქართული ოცნების ახალი სახეების პრეზენტაცია ხვალ საგურამოში შედგება.
