გამცდენ დეპუტატებს შორის ძირითადად „ნაციონალური მოძრაობის“ წევრები ჭარბობენ.
231 პლენარული და რიგგარეშე სხდომის გამცდენი დეპუტატების უმრავლესობა „ნაციონალური მოძრაობის“ წევრია.
გამცდენი დეპუტატების ათეული ასე გამოიყურება: კობა ნაყოფია 179 გაცდენა, რამაზ ნიკოლაიშვილი -174, ნიკოლოზ ყიფშიძე -168,
აზერ სულეიმანოვი -161, ზაზა კედელაშვილი -138, დავით ბეჟუაშვილი -137, როლანდ ახალაია 132, გოგი ლიპარტელიანი -129, თინათინ ბოკუჩავა - 126 და პაატა ლეჟავა -122 გაცდენა.
ჩვენი გამოქვეყნებული სიიდან კობა ნაყოფიას დავუკავშირდით, რომელსაც ყველაზე მეტი 179 გაცდენა აქვს, მაგრამ მან ჩვენ დასმულ კითხვებს არ უპასუხა, მიზეზად კი მოუცლელობა დაასახელა.
სხდომების გამცდენ პირველ 25 დეპუტატში “ქართული ოცნების” წევრი მხოლოდ ერთი დეპუტატი, თედო ჯაფარიძეა, ხოლო “თავისუფალი დემოკრატებიდან”- ირაკლი ჩიქოვანი და ნინო გოგუაძე.
თედო ჯაფარიძე, ამჟამად დედაქალაქში არ იმყოფება. ჩვენ საპარლამენტო უმრავლესობის ლიდერს ვესაუბრეთ. რაც შეეხება „თავისუფალ დემოკრატებს“, ირაკლი ჩიქოვანი აცხადებს, რომ გაცდენების სიაში, სამუშაო მივლნინებებში ხშირად სიარულის გამო მოხვდა.
გამცდენი დეპუტატების უმრავლესობა „ნაციონალური მოძრაობის“ წევრია, თუმცა ჯერჯერობით პარტიაში კომენტარს არ აკეთებენ.