საქართველოს მთავრობა მოქმედი შემადგენლობით ბოლო სხდომას დღეს 2 საათზე გამართავს. 
ვინ დარჩება მინისტრთა კაბინეტში და ვინ დატოვებს თანამდებობას ამაზე ჯერ კიდევ მოქმედი მინისტრები არ   საუბრობენ. მათი თქმით, განცხადებას მთავრობის შემადგენლობის შესახებ საქართველოს პრემიერ -მინისტრი გააკეთებს.

რაც შეეხება გავრცელებულ ინფორმაციას რომ შესაძლოა "თავისუფალი დემოკრატების" ყოფილმა წევრმა ვიქტორ დოლიძემ  ევროინტეგრაციის საკითხებში სახელმწიფო მინისტრი დავით ბაქრაძე შეცვალოს, როგორც  მოქმედი მინისტრი ამბობს, ეს არის საკითხი რომელიც პრემიერ მინისტრმა უნდა გადაწყვიტოს. გიორგი კვირიკაშვილმა ახალ პარლამენტს მთავრობის შემადგნელობა, ნდობის გამოსაცხადებლად, პირველი სხდომიდან არაუგვიანეს ორ კვირაში უნდა წარუდგინოს.