თბილისის 2017 წლის ბიუჯეტის პროექტთან  დაკავშირებული  შენიშვნების განხილვა 
საკრებულოს ქონების მართვისა და საფინანსო საბიუჯეტო კომისიის სხდომაზე  მოხდება,  სადაც  ბიუჯეტის პროექტზე საბოლოო დასკვნა მომზადდება. თვითმმართველ ორგანოს ბიუჯეტის პროექტის შესასწავლად და შენიშვნებით მერიისთვის დასაბრუნებლად ვადა 25 ნოემბერს ეწურება. მერიას შენიშვნების გასათვალისწინებლად და მისი საკრებულოსთვის ხელმეორედ წარსადგენად კი ვადა 10 დეკემბრამდე აქვს .  ბიუჯეტთან დაკავშირებით შენიშვნები აქვს ოპოზიციას. მათი თქმით ზოგიერთი სფეროს დაფინანსება გაუმართლებლად არის შემცირებული. ნაციონალური მოძრაობაში აცხადებენ, რომ დოკუმენტის მხარს არ დაუჭერენ. საკრებულოს უმრავლესობაში კი ოპოზიციის ბრალდებებს არ იზიარებენ და ამბობენ რომ სოციალური მიმართულებით დაფინანსება არ მცირდება..