ბრალდების მხარე რომან შამათავას განაჩენს სააპელაციო წესით გაასაჩივრებს. 
კუდ-ის აფხაზეთის სამმართველოს ყოფილი უფროსი რომან შამათავა სასამართლომ პაატა ქარდავასა და დავით ცინდელიანის საქმეზე დამნაშავედ ცნო.  მოსამართლის გადაწყვეტილებით, რომან შამათავა დამნაშავედ იქნა ცნობილი დავით ცინდელიანისა და პაატა ქარდაძისთვის თავისუფლების უკანონოდ აღკვეთის ბრალში

. რაც შეეხება განზრახ მკვლელობას, მოსამართლემ ეს  მუხლი განზრახ მკვლელობის მუხლში გადააკვალიფიცირა და ორივე ეპიზოდზე, რომან შამათავას 16-16 წლით თავისუფლების აღკვეთა შეეფარდა.

ამნისტიის შესახებ კანონის თანახმად, მას სასჯელის ვადა შეუმცირდა და საბოლოოდ 8 წლით თავისუფლების აღკვეთა მიესაჯა.

მოსამართლის გადაწყვეტილებას, რომლითაც შამათავას 8 წლით თავისუფლების აღკვეთა მიესაჯა, გარდაცვლილების ახლობლების პროტესტი მოჰყვა. ახლობლები მიიჩნევენ, რომ კუდ-ის აფხაზეთის სამმართველოს ხელმძღვანელისთვის შეფარდებული 8-წლიანი პატიმრობა საკმარისი სასჯელი არაა იმ დანაშაულისთვის, რომელიც მან ჩაიდინა.