საქმე არსებითი განხილვისათვის სასამართლოში გადააგზავნა.  ინფორმაცია მთავარმა პროკურატურამ გაავრცელა. „მოპოვებული მტკიცებულებებით დადასტურდა, რომ საქმე გვაქვს ანგარებით, თანამდებობრივი მდგომარეობის და მატერიალური სარგებლის შენარჩუნების მოტივით - განზრახ მკვლელობის მომზადებასთან, რის საფუძველზეც 2017 წლის 26 აპრილს, გიორგი მამალაძეს დაუმძიმდა ბრალდება,“ - აცხადებენ პროკურატურაში.

პროკურატურის ინფორმაციით, გამოძიების ფარგლებში საქმეზე ჩატარდა 600-მდე საგამოძიებო და საპროცესო მოქმედება,  მოპოვებული მტკიცებულებებით დადასტურდა, რომ საქმე გვაქვს ანგარებით, თანამდებობრივი მდგომარეობის და მატერიალური სარგებლის შენარჩუნების მოტივით - განზრახ მკვლელობის მომზადებასთან,  რის საფუძველზეც 2017 წლის 26 აპრილს, გიორგი მამალაძეს დაუმძიმდა ბრალდება  18, 109-ე მუხლის მე-3 ნაწილის „გ“ ქვეპუნქტით, რაც ანგარებით განზრახ მკვლელობის მომზადებას   გულისხმობს. გარდა აღნიშნულისა, გიორგი მამალაძეს ბრალი წარდგენილი აქვს ცეცხლსასროლი იარაღის მართლსაწინააღმდეგო შეძენა-შენახვისთვის.

საქმის წინასასამართლო განხილვა 5 მაისს, თბილისის საქალაქო სასამართლოში გაიმართება.