თბილისი თავდაცვის და უსაფრთხოების რიგით მე-10 კონფერენციას მასპინძლობს. კონფერენციას მაღალი რანგის სამხედრო პირები და დიპლომატები ესწრებიან . ღონისძიება ოფიციალურად საქართველოს თავდაცვის მინისტრმა თინა ხიდაშელმა, აშშ-ის ატლანტიკური საბჭოს აღმასრულებელმა ვიცე პრეზიდენტმა და საქართველოს პრემიერ-მინისტრმა გიორგი კვირიკაშვილმა გახსნა. ღონისძიებაზე დასასწრებად საქართველოში კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენელი ჯეიმს აპატურაი ჩამოვიდა. მან მედიასთან ვარშავის სამიტის მოლოდინებზე ისაუბრა.