ვენეციის კომისიის წინასწარი დასკვნა პრეზიდენტს უკვე გადაეგზავნა. პრეზიდენტისთვის გამოგზავნილ დოკუმენტში კომისიის ექსპერტები თავიანთ მოსაზრებაში დეტალურად აღწერენ ხელისუფლების მიერ წარმოდგენილი კანონპროექტის დადებით და უარყოფით მხარეებს. კომისიამ დოკუმენტში საბოლოო შესწორებები 9 მარტს ვენეციაში, 94–ე პლენარულ სესიაზე შეიტანა. მმართველი გუნდისთვის დოკუმენტი მისაღებია. საპარლამენტო უმრავლესობაც და უმცირესობაც ახლა პრეზიდენტის გადაწყვეტილებას ელოდება, გამოიყენებს თუ არა მარგველაშვილი ვეტოს უფლებას.