მაგდა პაპიძის სასამართლო სხდომა ბრალდებულის მოთხოვნით დაიხურა.
მიზეზად მაგდა პაპიძემ მისი პირადი ცხოვრების დეტალებისა და სხვა ინფორმაციის არასწორად გავრცელება დაასახელა.
პროკურორის წინააღმდეგობის მიუხედავად, მოსამართლემ პაპიძის შუამდგომლობა დააკმაყოფილა.
დღევანდელ პროცესზე მხარეები შეფასებებს წარმოადგენენ, შემდეგ ბრალდებული დასკვნით სიტყვას იტყვის და ნაფიცი მსაჯულები განაჩენის გამოსატანად გავლენ. მათ ამისთვის 3 საათიანი ვადა ექნებათ.
იმ შემთხვევაში, თუ ნაფიცმა მსაჯულებმა გამამართლებელი ვერდიქტი გამოიტანეს, სასამართლო დასრულდება, ხოლო თუ გამამტყუნებელ ვერდიქტს გამოიტანენ, დაცვის მხარეს აქვს საშუალება გადაწყვეტილება მეორე ინსტანციის სასამართლოში გაასაჩივროს.
თუ ნაფიცი მსაჯულები პაპიძის მიმართ გამამტყუნებელ ვერდიქტს გამოიტანენ, მოსამართლე გადაწყვეტს, სასჯელის რა ზომას დააწესებს.
მაგდა პაპიძეს გამამტყუნებელი ვერდიქტის გამოტანის შემთხვევაში 16-დან 20 წლამდე ვადით თავისუფლების აღკვეთა, ან უვადო პატიმრობა ემუქრება.