იუსტციის მინისტრის, თეა წულუკიანის
განცხადებით, აჰმედ ჩატაევთან დაკავშირებით კითხვები ჯერ კიდევ მის
გათავისუფლებამდე ქონდა.
იუსტიციის მინისტრი ამბობს, რომ მისი
გათავისუფლება ნაადრევად მიაჩნდა. მისი თქმით, გადაწყვეტილება
მთავარმა პროკურორმა მიიღო.
"რაც შეეხება ჩატაევს და მის მფარველ სააკაშვილს, მე ამ თემასთან
დაკავშირებით ჯერ კიდევ ჩატაევის გათავისუფლებამდე მქონდა კითხვები.
რაკი მქონდა კითხვები, ამიტომ მის გათავისუფლებას მივიჩნევდი
ნაადრევად. თუმცა, მთავარი პროკურორის მიერ იქნა მიღებული
გადაწყვეტილება, რომ იმ კონკრეტული იარაღის უკანონო ტარების საქმეში,
რომელზეც მას ბრალი ედებოდა, ბრალი ყოფილიყო მოხსნილი. ასეა თუ ისე,
ამ თემებზე დისკუსია კარგია, მაგრამ აუცილებელია, რომ ჩვენ არასდროს
დაგვავიწყდეს, რომ ჩვენ როდესაც საქმე ეხება პანკისს, სახელმწიფო
უსაფრთხოებას, თუნდაც სახელმწიფო საიდუმლოების და საიდუმლო აგენტების
თემებს, აქ დისკუსია კარგია, მაგრამ მეტისმეტი ენაწყლიანობა ვნებს
ქვეყანას, განაცხადა. თეა წულუკიანმა.
თეა წულუკიანმა პირობა დადო რომ ყოფილი ხელისუფლების
წარმომადგენლებისა და ჩატაევის კავშირებს აუცილებლად
გამოიძიებს.
აჰმედ ჩატაევი 2012 წლის
დეკემბერში ჯერ გირაოთი გაათავისუფლეს, შემდეგ კი პროკურატურამ მასზე
სისხლის სამართლის დევნა შეწყვიტა.
თურქული მედია
ათათურქის აეროპორტში მომხდარი ტერაქტის ორგანიზატორად
სწორედ მას ასახელებს.
