"მთავარი და უმნიშვნელოვანესი არის ის, რომ დავბრუნდეთ ვარშავიდან უფრო მეტად დაცული.
ვარშავის სამიტამდე რამდენიმე დღით ადრე, საქართველოს თავდაცვის მინისტრი ყურადღებას სამიტის მნიშვნელობაზე ამახვილებს და აცხადებს, რომ სამიტის შემდეგ საქართველოს დაცულობის ხარისხი გაუმჯობესდება.
თინათინ ხიდაშელი აცხადებს რომ ვარშავის სამიტზე საქართველო ნატოს წევრობას არ ელოდება , ამიტომ პარტნიორებისგან მინისტრი ითხოვს , რომ ყველა ის შესაძლებლობა, რომელიც საქართველოს გააჩნია, მაღალ რეგისტრში იყოს წარმოდგენილი.
"მთავარი და უმნიშვნელოვანესი არის ის, რომ დავბრუნდეთ ვარშავიდან უფრო მეტად დაცული. ნატო-ს წევრობა გვინდა სწორედ იმიტომ, რომ ვიყოთ უფრო მეტად დაცული ქვეყანა. ვარშავის სამიტზე ჩვენ წევრობას არ ველოდებით, თუმცა პარტნიორებისგან ვითხოვთ, რომ ყველა ის შესაძლებლობა, რომელიც ამ წუთისთვის საქართველოს გააჩნია, იყოს გაცილებით უფრო მაღალ რეგისტრში წარმოდგენილი. დამატებითი პაკეტი იყოს, დამატებითი ღონისძიებები განხორციელდეს, დაცულობის ხარისხი გაუმჯობესდეს. ჩვენ ველოდებით შავ ზღვასთან დაკავშირებით ძალიან მნიშვნელოვან გადაწყვეტილებებს, რომლის სრულფასოვანი მონაწილეც იქნება საქართველო. ჩვენ ველოდებით, რომ საქართველოს ცა და ჰაერი უფრო მეტად დაცული იქნება”,- აცხადებს თინა ხიდაშელი.