„არ არის გამორიცხული ვარშავის სამიტის შემდეგ მივიღოთ ეს გადაწყევტილება, მაგრამ ეს არ იქნება კარის გამოჯახუნება და ვინმეს ფანჯრიდან გადაგდება
პოლიტიკური გაყრა რამდენიმე დღეში ოფიციალურად გაფორმდება. რესპუბლიკელები არჩევნებამდე უკვე დაწერილი საკუთარი დღის წესრიგით, ქართული ოცნების საპირისპირო გზით მივლენ.
„არ არის გამორიცხული ვარშავის სამიტის შემდეგ მივიღოთ ეს გადაწყევტილება, მაგრამ ეს არ იქნება კარის გამოჯახუნება და ვინმეს ფანჯრიდან გადაგდება, ჩვენ ცივილიური გაყრის პროცესში ვართ ოცნებასთან“,-აცხადებს პარლამენტის თავმჯდომარე დავით უსუფაშვილი
კოალიციური ერთობით, თუმცა პარტნიორულ-კონკურენტული რეჟიმით ოცნებამ და რესპუბლიკელებმა ოთხი თვე იარეს.
მარტის ბოლოს არჩევნებისთვის დამოუკიდებლად მზადების დასაწყისი ისე გამოაცხადეს, რომ სახელისუფლებო მმართველობის ბერკეტებზე უარი არც თავად თქვეს და არც მთავრობის მეთაურმა უთხრა.
ზედმეტი უხერხულობის გარეშე-არჩევნებისკენ ახლა ყველა საკუთარი პოლიტიკური გზით წავა.
რაც იმას ნიშნავს რომ დავით უფუფაშვილი მთავარი კანონმდებელი აღარ იქნება. თინა ხიდაშელი თავდაცვას, პაატა ზაქარეიშვილი კონფლიქტების მოგვარებას, გიგლა აგულაშვილი კი გარემოსდაცვას დაასრულებს.