25 წლის მაგდა პაპიძე მეუღლისა და მცირეწლოვანი შვილის განზრახ მკვლელობაში დამნაშავედ სცნეს.
2 საათნახევრიანი მსჯელობის შემდეგ 12-მა ნაფიცმა მსაჯულმა ბრალდებული ერთხმად გაამტყუნა. 25 წლის მაგდა პაპიძე მეუღლისა და მცირეწლოვანი შვილის განზრახ მკვლელობაში დამნაშავედ სცნეს.
მამა-შვილის მკვლელობა 2015 წლის 19 დეკემბერს თბილისში მოხდა. სამართალდამცველებმა პაპიძე ცხელ კვალზე რამდენიმე საათში დააკავეს. დაახლოებით 7 თვიანი სასამართლო პროცესის შემდეგ პროკურატურის ბრალდება დადასტურდა.
გამამატყუნებელი ვერდიქტის გამოცხადებას მოკლული ომარ ქაფიაშვილის ახლობლების მხრიდან შეძახილები მოჰყვა.
ბრალდებულის ოჯახის წევრები ისევ ამტკიცებენ, რომ მაგდა პაპიძე უდანაშაულოა. თუმცა არც ის იციან, ვის შეიძლებოდა ჩაედინა მკვლელობა.
ხვალ 11 საათზე ჩანიშნულ სხდომაზე გაირკვევა, რამდენი წლის გატარება მოუწევს მაგდა პაპიძეს ციხეში.
ბრალდება 16-დან 20 წლამდე ან უვადო პატიმრობას ითვალისწინებს. ადვოკატების მოთხოვნით, სასჯელის განსაზღვრის სხდომას მოსამართლე, ნაფიცი მსაჯულების გარეშე ჩაატარებს.