თიანეთის რაიონის სოფელ სიმონიანთხევში ძლიერმა წვიმამ მოსახლეობას ნათესები გაუნადგურა და სახლების სარდაფები დატბორა.

სოფელსი სტიქია  არ უკვირთ, თუმცა წლებია მისგან თავდაცვას ვერ ახერხებებნ, აქ არც ზარალის ანაზღაურება ახსოვთ.
ნიაღვარმა თიანეთის მუნიციპალიტეტის ოთხი ადმინისტრაციული ერთეული ორი დღის წინ დააზარალა, თუმცა სოფლების დამაკავშირებელი შიდა გზები კვლავ გაუვალია. მოსახლეობა ამბობს, რომ დაზიანებული საგზაო ინფრასტრუქტურის შესახებ გამგეობაში იციან, თუმცა სათანადო რეაგირება მათგან არ ყოფილა.
ძლიერმა წვიმამ სახლების სახურავებიც დააზიანა, თუმცა ზარალის ანაზღაურებაზე საუბარი ჯერ არ დაწყებულა.
თიანეთის მუნიციპალიტეტის გამგებელი ამბობს, რომ გამგეობა მხოლოდ საგზაო ინფრასტრუქტურას მოაწესრიგებს, შიდა ეზოებისა და ნათესების ზარალი კი მხოლოდ სადაზღვეო პაკეტის არსებობის შემთხვევაში ანაზღაურდება.
სტიქიით განებივრებულ სოფელში დაზღვევა მოსახლეობის მხოლოდ მცირე ნაწილს აქვს, დანარჩენები კი ახალი მოსავლის აღებამდე კიდევ ერთ წელს გაატარებენ.