|
-შინაგან საქმეთა მინისტრის მოადგილე არჩილ თალაკვაძემ საგზაო უსაფრთხოების უმნიშვნელოვანესი დეტალი შეგვახსენა.
შემდეგ კი ეროვნული სტრატეგიის შესახებ ისაუბრა. საგზაო უსაფრთხოების ეროვნული სტრატეგია უწყებების კოორდინირების ფონზე გრძელვადიანი გეგმის შემუშავებას გულისხმობს. მიზანი მოსახლეობისთვის უსაფრთხოების ზომების გაზრდაა.
სტრატეგიის გახორციელებაში აქტიურ როლს შინაგან საქმეთა სამინისტრო შეასრულებს. სტრუქტურამ უკვე შეიმუშავა საგზაო უსაფრთხოების გეგმა, რომლის მიხედვით გამკაცრდება ავტოსატრასპორტო შემთხვევების გამომწვევ მიზეზებთან ბრძოლა.
ავტოპარკის მოცულობისა და საგზაო ინფრასტრუქტურის ზრდა, საერთაშორისო სატრანზიტო ქსელის სიმრავლე - ეს არასრული ჩამონათვალია იმ გამოწვევების, რომლებიც საგზაო უსაფრთოების თვალსაზრისით დღევანდელ ეპოქაში გასათვალისწინებელია.
არჩილ თალაკვაძე მიიჩნევს, რომ ამ გამოწვევებს ინოვაციური მიდგომები ჭირდება.
საგზაო უსაფრთხოების ეროვნული სტრატეგია უწყებათშორისი დოკუმენტია, რომელზეც ერთდროულად ეკონომიკის , შინაგან საქმეთა, ჯანდაცვის და განათლების სამინისტროები მუშაოებენ.
