სამართალდამცავებმა რჩეულიშვილი საცხოვრებელ სახლთან აიყვანეს. თუმცა მანამდე გუკა რჩეულიშვილმა ვიდეომიმართვა გაავრცელა , რომელშიც ამბობდა, რომ სამართალდამცველებს ჩაბარდებოდა.

გუკა რჩეულიშვილის დაკავებამდე რამდენიმე საათით ადრე  სასამართლო დარბაზში დააპატიმრეს მაია რჩეულიშვილი.

მოსამართლის გადაწყვეტილებით პატიმრობა შეეფარდათ სალომე ჩარკვიანს და ირაკლი მინდელსაც.

დღეს სასამართლოს ცეტრ -პოინტის საქმის კიდევ ერთ ეპიზოდზე უნდა ემსჯელა, რომელშიც ბრალდებულები მაია რჩეულიშვილი და რუსუდან კერვალიშვილი არიან, თუმცა

რუსუდან კერვალიშვილის შეუძლოდ ყოფნის გამო „ცენტრ პოინტის“ საქმის განხილვა 20 ივლისამდე გადაიდო.

ცენტრ პოინტის“ დამფუძნებლებს მაია რჩეულიშვილსა და რუსუდან კერვალიშვილს, ასევე კომპანია „დექსუსის“ დამფუძნებელს ივანე ცაგურიას ბრალი თაღლითობისა და თანხების მითვისების მუხლით აქვთ წარდგენილი. სამივე ბრალდებულს აღკვეთის ღონისძიების სახით გირაო აქვს შეფარდებული. გამოძიება მაია რჩეულიშვილსა და რუსუდან კერვალიშვილს ამხანაგობა“ თაბუკაშვილი 88“-ის კუთვნილი 11 მილიონზე მეტი ლარის მითვისებას ედავება.