სიახლეები
პრემიერისა და პრეზიდენტის პირველი კომენტარები უშიშროების საბჭოს შემდეგ
პრემიერ-მინისტრ გიორგი
კვირიკაშვილის განცხადებით, ქართული მხარე
თურქეთში
მოვლენების განვითარებას შეშფოთებით აკვირდება და ყველა საზღვარზე
კონტროლი გაძლიერებულია.
მთავრობის მეთაურის
თქმით, სავარაუდოდ, უახლოეს პერიოდში თურქეთთან საზღვარი
ჩაიკეტება.
"ჯერჯერობით,
ჩრდილო–აღმოსავლეთ თურქეთში, რომელიც ჩვენ გვესაზღვრება, არანაირი
არეულობა არ შეინიშნება. ვფიქრობ, ჩვენს მხარეს სიტუაცია კონტროლს
ექვემდებარება და არანაირი რისკები არ არსებობს. ავიაკომპანიებმა
შეაჩერეს ფრენები. გვქონდა ზარები ჩვენი თანამოქალაქეებისგან, რომ
ისინი აიყვანეს თვითმფრინავში და თვითმფრინავი ვერ გამოფრინდა. აქედან
გამომდინარე, მაქსიმალურ კონტროლს ვახორციელებთ და გვაქვს ცხელი
ხაზები გახსნილი, როგორც სტამბულში, ასევე თბილისში", - განაცხადა
პრემიერ-მინისტრმა.
გიორგი
კვირიკაშვილი, მთავრობის წევრებთან ერთად, ამ წუთებში, უშიშროების
საბჭოს სხდომაზე იმყოფება, რომლის მოწვევაც პრეზიდენტთან სატელეფონო
საუბრისას გადაწყდა.
"იმედი გვაქვს,
მალე დაწყნარდება სიტუაცია და დაუბრუნდება ჩვეულებრივ კალაპოტს.
უახლოეს პერიოდში დამატებით ინფორმაციას კიდევ მოგაწვდით. ჯერჯერობით,
საქართველოს მხარეს არანაირი ინცინდენტი არ ყოფილა, ჩრდილო-აღმოსავლეთ
თურქეთში, საქართველოს მოსაზღვრე ტერიტორიაზე სიტუაცია საკმაოდ
მშვიდია, ამიტომ არანაირი შეშფოთების საფუძველი ამ შემთხვევაში არ
გაგვაჩნია. საზღვრებზე კონტროლი გაძლირებულია, თურქეთის მიმართულებით,
სავარაუდოდ, ჩავკეტავთ და ვფიქრობ, უახლოეს მომავალში გამოჩნდება
შემდგომი მოქმედების გზები, რა იქნება უფრო მიზანშეწონილი", -
განაცხადა პრემიერ-მინისტრმა.
