ვაგონის სახურავი დაზიანებულია. მშობლების სურვილი შვილები უსაფრთხო გარემოში გაზარდონ ჯერჯერობით განუხორციელებელია. ოჯახმა ადგილობრივ თვითმმართველობას დახმარებისთვის არაერთხელ მიმართა, თუმცა ბათუმის მერია უპირობოდ საცხოვრებელი ფართით იმ ოჯახებს აკმაყოფილებს, რომლებსაც  7 ან მეტი შვილი ჰყავთ.

სწორედ ეს კრიტერიუმი გახდა სოციალურად დაუცველი  ოჯახისთვის ერთადერთი იმედი და ოჯახის წევრთა რაოდენობის  გაზრდას აპირებენ. საცხოვრისის გაცემის კრიტერიუმებს გაუმართლებლად მიიჩნევს აარასამთავრობო ორგანიზაციები და ომბუდსმენის აპარატი.