|
აისახებოდა თუ არა ეს პროცესი უარყოფითად ორი ქვეყნის ურთიერთობაზე .
ისტორიკოსები თურქეთ -საქართველოს საზღვრის კონტროლის მნიშვნელობაზე საუბრობენ და ფიქრობენ, რომ სამხედრო ამბოხება მხოლოდ თურქეთში დაგეგმილი პროცესი არ იყო.
თურქეთში სამხედრო გადატრიალება საქართველოზე იქონიებდა ძალიან მძიმე შედეგებს და ეს პირვბელ რიგში აისახებოდა ორი ქვეყნის ურთიერთობებზე და საქართველოს ეკონომიკაზე-ასეთ დასკვნებს აკეთებენ ისტორიკოსები და თურქეთმცოდნეები.
გადატრიალების მცდელობაში მუსლიმი ფეტულა გიულენი უკვე დაადანაშაულეს. ის ამჟამად აშშ–ში, პენსილვანიაში, თავის რეზიდენციაში ცხოვრობს. ფეტულა გიულენი თურქეთის მეორე ყველაზე გავლენიან ადამიანადაა მიჩნეული. ის აშშ–ში 1990–იან წლებში გაემგზავრა და მას შემდეგ იქ ცხოვრობს.
ფეტულა გიულენი ერდოღანის მოკავშირედ მიიჩნეოდა 2013 წლამდე, თუმცა, მთავრობის წევრთა წინააღმდეგ წარმოებულმა გამოძიებამ კორუფციასთან დაკავშირებით, მათი კავშირის რღვევა გამოიწვია. გიულენი, რომელსაც მილიონობით მხარდამჭერი ჰყავს თურქეთში, საჯაროდ დაუპირისპირდა ერდოღანს.
მიხედავად ბრალდებებისა ფეტულა გიულენმა უკვე გაავრცელა სპეციალური განცხადება, რომლის მიხედვითაც, ის კატეგორიულად უარყოფს სამხედრო გადატრიალების მცდელობასთან კავშირს.
