|
ვითარების გამწვავების შემთხვევაში არ არის გამორიცხული პოლიციის შენობაზე შტურმი განხორციელდეს.
ქუნან პოღოსიანი-შსს მოადგილე :“არც ერთი მხარე დათმობას არ აპირებს, მოლაპარაკებები გრძელდება, ისინი სეფლიანის გათავისუფლებას და მასთან შეხვედრას ითხოვენ. მაგრამ ეს არ მოხდება. თუ დათმობაზე არ წამოვლენ, შესაძლოა სპეცოპერაცია დავიწყოთ“.
შენობაში მძევლებს შორის სომხეთის შინაგან საქმეთა სამინისტროს მაღალჩინოსნები არიან.პოლიტიკოსები იმედოვნებენ, რომ მოლაპარაკებები მსხვერპლი გარეშე დასრულდება.
ნიკოლ ფაშინიანი -პოლიტიკოსი : მოლაპარაკებები თავმდამსმელებთა ხელისუფლების ნებაზეა დამოკიდებული.მაქსიმალურად უნდა ვეცადთ რომ ისედაც რთული სიტუაცია ჩიხში არ შევიდეს. ძალის გამოყენება მსხვეპლის რაოდენობის გაზრდას გამოიწვევს. ვიმედოვნებ ამის საჭიროება არ იქნება
გასულ ღამეს დაკავებული 200 ეჭვმიტანილიდან 50-მდე ადამიანი უკვე გაათავისუფლეს. ოპოზიციის წარმომადგენლები პარალელურად საპროტესტო აქციას მართავენ. პატიმრობაში დარჩენილი ეჭვმიტანილების დაკითხვა ამ დრომდე გრძელდება.
ხელისუფლებამ ერევანში უსაფრთხოების ზომები გაამკაცრა. პოლიციის განყოფილებასთან სამხედრო ქვედანაყოფები და სპეცრაზმია მობილიზიებული. სომხეთის შინაგან საქმეთა სამინისტრომ თავდასხმას ტერორისტული აქტის კვალიფიკაცია უკვე მიანიჭა.
