განცხადება ამის შესახებ გიუნტერ ეტინგერმა გააკეთა.

ევროკომისრის თქმით, თურქეთში ბოლო დროს განვითარებული მოვლენები ევროკავშირის ღირებულებებსა და შეხედულებებს არ ცვლის და შესაბამისად არც ვიზა-ლიბერალიზაციის პროცესზე იქონიებს რაიმე სახის გავლენას. ეტინგერმა ერდოღანს ქვეყანაში კანონის უზენაესობის პრინციპის დაცვისკენ მოუწოდა.
"თურქეთის ვიზალიბერალიზაციის საკანონმდებლო ინიციატივას ამჟამად ევროპარლამენტი განიხილას. თუმცა მე ვვარაუდობ, რომ  ჩვენ სავიზო რეჟიმის გაუქმების შესახებ რეგულაციას მიმდინარე წლის ბოლომდე არ მივიღებთ”, - განაცხადა ციფრული ეკონომიკის საკითხებში ევროკომისარმა ეტინგერმა, 
ვროკომისარმა ანკარაში ადამიანების უფლებებისა და კანონის უზენაესობის მხრივ შექმნილი ვითარება გააკრიტიკა. "შეუძლებელია, რომ თანამდბეობიდან გათავისუფლდეს  ათასობით მოსამართლე, რომელიც მთავრობას არ მოსწონს. სასამართლო სისტემის დამოუკიდებლობა მნიშვნელოვანი შენაძენია",  - განაცხადა ეტინგერმა

ეტინგერი მიიჩნევს, რომ სიკვდილით დასჯა ევროპულ ღირებულებებთან შუთავსებელია. "სიკვდილით დასჯა შეუთავსებელია ჩვენს ღირებულებებთან და ჩვენს ხელშეკრულებებთან. ვერც ერთი ქვეყანა ვერ გახდება ევროკავშირის წევრი, თუკი ის სიკვდილით დასჯას იყენებს",  -აღნიშნა ევროკომისარმა.