პრეზიდენტს შეკითხვები აქვს, შინაგან საქმეთა სამინისტრო კი სატელევიზიო კომენტარზე თავს იკავებს. გამოძიებას ელოდება პრემიერ მინისტრიც. ნაციონალური მოძრაობა კი ქართული ოცნების საარჩევნო შტაბის ხელმძღვანელ კახი კალაძეს ინცინდენტის ორგანიზებაში დღს ისევ ადანაშაულებს.

კორცხელში მომხდარი დაპირისპირებიდან ზუსტად ორი თვის შემდეგ  ქვეყნის პრეზიდენტი გამოძიების შედეგების მოლოდინშია. გიორგი მარგველაშვილი პროცესის გაჭიანურებაზე საუბრობს.

გიორგი მარგველაშვილი:„როცა საარჩევნო დღეს ასეთი მასიური ძალადობა ხდება, ეს არ არის კონკრეტული კრიმინალი. ეს არის სახელმწიფოს წინააღმდეგ ნაბიჯი. ამის გამოუძიებლობას შეიძლება მხოლოდ სახელისუფლო სტრუქტურებში მოჰყვეს შედეგი? ამას ყველა პოლიტიკურ პარტიაში კასკადური ეფექტი ექნება, იმიტომ რომ ყველა იფიქრებს - აა, ანუ ასეთია თამაშის წესები... და საით მიგვყავს ქვეყანა? ეს არჩევნები უნდა იყოს კონკურენციის, შეხედულებების, დაპირებების, პროგრამების, ანალიზის... ამისკენ უნდა ვისწრაფვოდეთ. ამ ფონზე ძალიან მძიმედ ჩანს ამ ინციდენტის გამოუძიებლობა. ამ პასიურობით სერიოზული ზიანი მიადგება ჩვენს ევროპულ მომავალს"

გიორგი კვირიკაშვილი...მძიმე ინცინდენტი იყო გამოძიება მიმდინარეობს და ყველა დაისჯება, მე არ მაქვს უფლება პროცესში ჩავერიო

კახი კალაძე...მე ვეთანხმები პრეზიდენტს გამოძიება აუცილებლად მალე უნდა დასრულდეს და ყველა პირი დაისაჯოს

პრეზიდენტს ეთანხმება პრემიერიც და ვიცე-პრემიერი-კახი კალაძეც, რომელიც ნაციონალურმა მოძრაობამ კორცხელის ინცინდენტის ორგანიზებაში დღეს კიდევ ერთხელ დაადანაშაულა.

სერგო რატიანი: ამაში მონაწილეობდა კახი კალაძე, ის უნდა ჩამოშორდეს პროცესს, რადგან ეს არის გზავნილი რომ ძალადობა არის დასაშვები“.

მიუხევადად ორთვიანი მოლოდინისა მმართველ გუნდში დღესაც დარწმუნებული არიან რომ გამოძიება ლოგიკურ დასასრულამდე ლოგიკურ დროში მივა.

შინაგან საქმეთა სამინისტროში გამოძიების ინტერესებიდან გამომდინარე დეტალებს არ აკონკრეტებენ, თუმცა გვითხრეს რომ საქმე ხულიგნობის მუხლითაა აღძრული და  ინტენსიური საგამოძიებო მოქმედებების ფარგლებში რამდენიმე ათეული ადამიანი გამოიკითხა.