ჩვენს მიერ არჩეულთა ნაწილი მანდატის მიღებიდან დღემდე საკანონდებლო ორგანოს იშვიათად  სტუმრობდა.

ე.წ. შატალოზე მყოფ დეპუტატთა დიდ ნაწილი „ნაციონალურ მოძრაობას“ წარმოადგენს- რომელი პარტია იკავებს მეორე ადგილს და დაჯარიმდნენ თუ არა უსაქმურობისთვის კანონდებლები .

ურჩი დეპუტატების სიის პირველი ათეული მე-8 მოწვევის პარლამენტში ასე გამოიყურება:

კობა ნაყოფია 179 გაცდენა, რამაზ ნიკოლაიშვილი -174,  ნიკოლოზ ყიფშიძე -168, აზერ სულეიმანოვი -161, ზაზა კედელაშვილი -138, დავით ბეჟუაშვილი -137, როლანდ ახალაია 132, გოგი ლიპარტელიანი -129,     თინათინ ბოკუჩავა - 126 და პაატა ლეჟავა -122 გაცდენა.

„ნაციონალურ მოძრაობაში“ დღეს კომენტარს არ აკეთებენ. ჩვენ კონტაქტი მხოლოდ კობა ნაყოფიასთან მოვახერხეთ, რომელსაც 231 სხდომიდან, ყველაზე მეტი- 179 გაცდენა აქვს. რატომ არ დადიოდა სამსახურში ნაყოფია დეპუტატმა კითხვა უპასუხოდ დატოვა.

გამცდენებიდან „ქართული ოცნების“ წევრი მხოლოდ ერთი დეპუტატი-თედო ჯაფარიძეა.

საგარეო ურთიერთობათა კომიტეტის თავმჯდომარე ამჟამად დედაქალაქში არ იმყოფება.

სიაში მოხვდნენ თავისუფალი დემოკრატებიც.

მთავარი არა დასწრება არამედ აქტივობაა, ასე აფასებს გაცდენების სიხშირეს ნაციონალური მოძრაობის ყოფილი წევრი.

გიორგი ვაშაძე სესიებისა და რიგგარეშე სხდომების გამცდენ 25 დეპუტატში მე-13 ადგილზეა. თუმცა, კომიტეტის სხდომებზე 288 გაცდენით -სიის პირველი ნომერია.

2012 წლის ოქტომბრიდან 2016 წლის 25 ივნისამდე არასაპატიო მიზეზით გაცდენის გამო პარლამენტის წევრთა ხელფასებიდან სულ 15 ათას 827 ლარია დაკავებული.

გამცდენ დეპუტატთა უმრავლესობა 2016 წლის საპარლამენტო არჩევნებში მონაწილეობას ისევ გეგმავს.