გიორგი პაპუაშვილის განცხადებით, კონსტიტუციური სარჩელის ერთ ნაწილთან მიმართებაში მოსამართლეების ხმები გაიყო, თუმცა ამას საბოლოო გადაწყვეტილებაზე გავლენა არ მოუხდენია. საქმის საბოლოო გადაწყეტილების მიღებაში ერთი მოსამართლე-მერაბ ტურავა არ მონაწილეობდა.

საკონსტიტუციო სასამართლოს ინფორმაციით, მოსარჩელეები სადავოდ ხდიდნენ საქართველოს საარჩევნო კოდექსის მე-18 მუხლის პირველი პუნქტის, 110-ე მუხლის მე-5 პუნქტის, 1101 მუხლის მე-3 - 42-ე პუნქტების კონსტიტუციურობას საქართველოს კონსტიტუციის მე-14 მუხლთან, 28-ე მუხლის პირველ პუნქტთან, 49-ე მუხლის პირველ პუნქტთან და 50-ე მუხლის პირველ პუნქტთან მიმართებით.

სადავო ნორმები საქართველოს პარლამენტის არჩევნებისთვის შესაქმნელი მაჟორიტარული საარჩევნო ოლქების საზღვრებს ადგენენ. ამასთანავე, განსაზღვრავენ ერთმანდატიანი საარჩევნო ოლქების რაოდენობას თბილისის, ქუთაისის, ბათუმისა და რუსთავის მუნიციპალიტეტებში.