ამის შესახებ  უშიშროების საბჭოსთან 5 საათიანი შეხვედრის შემდეგ გახდა ცნობილი.  რეჯიპ ტაიპ ერდოღანოს განმარტებით,  ეს ნაბიჯი ტერორიზმის საფრთხეების შესამცირებლად და ქვეყნის მთავარი ღირებულებების დასაცავად გადადგა.

"საგანგებო მდგომარეობის გამოცხადების მიზანი არის ის, რომ რაც შეიძლება მალე მოიხსნას ტერორიზმის საფრთხეები, რომელიც ჩვენ ხალხს, დემოკრატიასა და სამართლის უზენაესობას ემუქრება.

შეიარაღებულ ძალები მთავრობის ინსტრუქციებს ექვემდებარებიან. მე როგორც პრეზიდენტი, ჩემ მთავრობასთან და ასევე სამხედროებთან ერთად, განვაგრძობთ ბრძოლას, რათა გავწმინდოთ თურქული არმია ამ ვირუსისგან“,- აცხადებს თურქეთის პრეზიდენტი რეჯეფ ტაიპ ერდოღანი.

აღსანიშნავია ისიც, რომ საგანგებო მდგომარეობის პირობებში პრეზიდენტსა და მინისტრთა კაბინეტს,პარლამენტის გვერდის ავლით,  ახალი კანონების მიღების საშუალება აქვთ. ამ დრომდე ქვეყანაში ჯამში 60 ათასი სამხედრო, სახელმწიფო მოხელე, მოსამართლე და მასწავლებელია დაპატიმრებული ან დროებით დაკავებული.