|
დავით ნარმანია მიზეზებზე საუბრობს. საკადრო ცვლილებების მიზეზი, დედაქალაქის მერისთვის და საკრებულოს უმცირესობისთვის განსხვავებულია - ოპოზიციურ რიგებში ფიქრობენ, რომ დიმიტრი მოსულიშვილი უკანონო მშენებლობაზე გაცემული ნებართვების გამო გაათავისუფლეს.
საპირისპიროს ამტკიცებს მერი. ირღვევა თუ არა სამშენებლო სტანდარტები ინტენსიურად და ვინ ჩაიბარებს თბილისის სამშენებლო პოლიტიკას.არქიტექტურის სამსახურის ხელმძღვანელის პოსტიდან წასვლის მიზეზი დღეს დავით ნარმანიამ პირველად განმარტა. თბილისის მერი ამბობს რომ საკადრო ცვლილების მიზეზი მშენებლობის ნებართვა არ ყოფილა.
დავით ნარმანიას განცხადებით, დიმიტრი მოსულიშვილის წასვლას ნუცუბიძის ობიექტთან არანაირი კავშირი არ აქვს , მან თვითონ მიიღო, გადაწყვეტილება დაუბრინდეს კერძო საქმიანობას
დედაქალაქის მერის და არქიტექტურის სამსახურის ხელმძღვანელის საქმიანობა საკრებულოს ოპოზიციის და მოსახლეობის კრიტიკის ობიექტი არაერთხელ გამხდარა. დიმიტრი მოსულიშვილს სწორედ, უკანონო მშენებლობებზე გაცემული ნებართვებს ედავებოდნენ.
პირადი განცხადების საფუძველზე არქიტექტურის სამსახურის ხელმძღვანელის წასვლაში ეჭვი ეპარება საკრებულოს უმცირესობას.
ქალაქის იერსახისთვის შეუსაბამო მშენებლობებზე საუბრობენ არქიტექტორები. სპეციალისტები ყურადღებას სამშენებლო სტანდარტების დარღვევაზე ამახვილებენ.
რა დარჩება ძველი თბილისის ისტორიული უბნებიდან? და ვინ ჩაიბარებს დედაქალქის სამშენებლო პოლიტიკას - ნუცუბიძე, იოსებიძე,ალექსიძე, ატენი-დედაქალაქის მასშტაბით მდგომრეობა უცვლელია.
