|
ერთ-ერთი ბრალდებულის ზურაბ ჯამალაშვილის ადვოკატი ამბობს, რომ პროკურატურა მისი დაცვის ქვეშ მყოფზე საპროცესო შეთანხმების გაფორმების მიზნით ფსიქოლოგიურ ტერორს ახდენს, თუმცა ჯამალაშვილი ბრალს არ აღიარებს და შესაბამისად არც პროკურატურის შეთავაზებას თანხმდება.
გიორგი ფოფოხაძის თქმით, ბრალდების მხარეს საქმეში კონკრეტული მტკიცებულებები არ აქვს, ამიტომაც საქმის დახურვას ბრალდებულებთან გარიგებით ცდილობს
ბრალდებულები,რომლებთანაც შესაძლოა საპროცესო შეთანხმება გაფორმდეს ბრალს აღიარებენ, თუმცა კიდევ რა უდევს საფუძვლად მათთან შესაძლო საპროცესო გარიგებებს უცნობია. სწორედ ამ დეტალების გასაჯაროვებას ითხოვს პოლიტიკოსთა ნაწილი და არასამთავრობო სექტორი .ისინი ფიქრობენ, რომ ასეთი მძიმე დანაშულის მიმართ სახელმწიფოს ლოიალურმა დამოკიდებულებამ შესაძლოა მსგვასი ტიპის დანაშული წაახალისოს
დატოვებენ თუ არა საპყრობილეს ფარული ჩანაწერების მოპოვება-გავრცელების ბრალდებით დაკავებული პირები საპროცესო შეთანხმების საფუძველზე შესაძლოა 2 აგვისტოს ჩნიშნულ სასამართლო სხდომაზე გაირკვას, თუმცა უნდა აღინიშნოს ისიც, რომ ერთ-ერთი ბრალდებული ინგა ჩატოიანი უკვე რამდენიმე თვეა, გირაოს სანაცვლოდ თავისუფალია
