ტექნიკური დეტალების დაზუსტების შემდეგ შესაბამისი შუამდგომლობა უკვე სასამართლოში შევა. საქმე ეხება მიმდინარი წლის მარტში დაკავებულ ინგა ჩატოიანს, გელა ღურწკაიას და ნიკოლოზ ხაჭაპურიძეს. მათ გამოძიება პირადი და ოჯახური საიდუმლოს ხელყოფას ედავება. გამოძიების ვერსიით მათ “ქრონიკა პლუსის” რედაქტორს, ელისო კილაძეს ფარული ვიდეოჩანაწერები მიუტანეს და გამოქვეუნება შესთვაზეს. იქნება თუ არა მსგავსი დანაშულის წახალისება ფარული ჩნაწერების საქმეში ბრალდებულებთნ საპროცესო შეთანხმების გაფორმება.

ფარული ჩანაწერების საქმეზე ბრალდებული ზურაბ ჯამალაშვილის ადვოკატი ამბობს, რომ პროკურატურა მისი დაცვის ქვეშ მყოფზე  საპროცესო გარიგების გაფორმების მიზნით ფსიქოლოგიურ ზეწოლას ახდენს ,თუმცა  ჯამალაშვილი ბრალს არ აღიარებს

საქმეზე დაკავებული 5 პირიდან სამთან საპროცესო გარიგება თითქმის მიღწეულია. ბრალდებული ინგა ჩატოიანის ადვოკატი ადასტურებს, რომ შეთანხმება პროკურატურის ინიციატივით ფორმდება.

პროკურატურაში პროცესის დასრულებამდე ოფიციალურ განცხადებას არ აკეთებენ, თუმცა მოლაპარაკებებს ადასტურებენ. პირებმა, რომლებთანაც შესაძლოა საპროცესო გარიგება შედგეს ბრალი უკვე აღიარეს, თუმცა  პოლიტიკოსების ნაწილი ფიქრობს რომ მხოლოდ აღიარება სასჯელისგან გასათავისუფლებლად  საკმარისი არ არის

არასამთავრობო სექტორი არ გამორიცხავს, რომ მსგავსი ტიპის მძიმე დანაშულზე სახელმწიფოს ლოიალურმა პოლიტიკამ დანაშული წაახალისოს

დატოვებენ  თუ არა საპყრობილეს ფარული ჩანაწერების მოპოვება-გავრცელების ბრალდებით დაკავებული პირები შესაძლოა 2 აგვისტოს  ჩანიშნულ სასამართლო სხდომაზე გაირკვეს, თუმცა უნდა აღინიშნოს ისიც, რომ ერთერთი ბრალდებული ინგა ჩატოიანი უკვე რამდენიმე თვეა, გირაოს სანაცვლოდ თავისუფალია.