|
ორ მხარედ გაყოფილი მოსამართლეები ერთმანეთს სასამართლოს დისკრედიტაციაში ადანაშაულებენ.
თავაძის, ფაფიაშვილის, ცაბუტაშვილის, სიჭინავასა და ტურავას გუშინ გავრცელებულ განცხადებას, დღეს კოპალეიშვილის, ერემაძისა და ვარძელაშვილის ტრიომ უპასუხა.
გუშინ, საკონსტიტუციო სასმართლოს ხუთი მოსამართლე წერილში ამბობდა, რომ სხვა საქმეებისგან განსხვავებით, გიგი უგულავს, ე.წ კაბელებისა და რუსთავის ორის საქმეები საკონსტიტუციო სასამართლოში დაჩქარებული ტემპით განიხილება.
განცხადება ადრესატმა პაპუაშვილმა ზაფხულის სიცხესა და სტრესს დაუკავშირა. დღეს კი, ვარძელაშვილმა-კოპალეიშვილმა და ერემეაძემ კი, ხუთივე მოსამართლეს შეახსენეს, რომ საქმეების განხილვა მათი თანხმობით მოხდა.
ხუთი მოსამართლის მიერ გავრცელებული განცხადებიდან ირკვევა, რომ კაბელების საქმეზე სარჩელის ე.წ ჩანაცვლება მოხდა რაც მათი თქმით, კანონდარღვევაა.
მას შემდეგ რაც პროკურატურამ საკონსტიტუციო სასამართლოს თავმჯდომარის მიერ გავრცელებული განცხადების საფუძველზე გამოძიება დაიწყო, ხუთმა მოსამართლემ თქვა, რომ უმჯობესია სარჩელების განხილვა სასამართლოში გამოძიების დასრულებამდე არ მოხდეს. ამას კატეგორიულად ეწინააღმდეგებიან კოპლეიშვილი ერემაძე და ვარძელაშვილი. გადაწყვეტილება ამ საკითხზე საკონსტიტუციო სასამართლომ ხმების უმრავლებოობისთ უნდა მიიღოს.
