ამის შესახებ შერიგებისა და სამოქალაქო თანასწორობის საკითხებში ახლად დანიშნულმა მინისტრმა ქეთევან ციხელაშვილმა განაცხადა.

მისი თქმით, მთავარი მიზანი ერთმანეთისგან დაშორებული საზოგადოებების დაახლოებაა.

მინისტრი აფხაზებთან და ოსებთან დაახლოებას მშვიდობიანი დიალოგის პოლიტიკაში ხედავს .
”ჩემთვის ამ თანამდებობაზე დანიშვნა არის დიდი პატივი და პასუხისმგებლობა. მიუხედავად იმისა, რომ ამ სფეროში არ ვარ ახალი, უფრო მაღალია პასუხისმგებლობა. ჩვენ მონიშნული გვაქვს ჩვენი პოლიტიკის ძირითადი მიმართულებები და ამ პოლიტიკის მთავარი ხაზი არის პრაგმატული პოლიტიკა, რომელიც მიმართულია შერიგებისკენ. დღეს ჩვენ, აფხაზებს, ოსებს, ბევრი რამ გვაშორიშორებს, მათ შორის მავთულხლართები, ასევე ის ტკივილი რაც გამოვიარეთ კონფლიქტის დროს. თუმცა, ბევრი რამ გვაერთიანებს, რასაც ვერც მავთულხლართები ვერ გახლეჩს. ეს არის იგივე წარსული, ასევე კარგი გამოცდილება და ალბათ ტკივილი, რომელიც ყოველთვის უნდა გვახსენებდეს, რომ აღარ უნდა წამოვეგოთ არც სხვის პროვოკაციას და არც ჩვენ უნდა დავუშვათ შეცდომები”, - განაცხადა ციხელაშვილმა.