20 მეგავატიანი ქარის პირველი ელექტრო სადგურის მშენებლობა გორის მახლობლად მიმდინარეობს.

ეკოლოგიურად სუფთა, უსაფრთხო და ეკონომიკური თვალსაზრისით მომგებიანი. ასე აფასებენ იდეას ექსპერტები

პროექტის  ღირებულება 34 მილიონი ამერიკული დოლარია. მთავარი დამფინანსებელი ევროპის რეკონსტრუქციისა და განვითარების ბანკია, სახელმწიფო 30%-იან ხარჯს იღებს.  სამუშაოს ენერგეტიკის განვითარების ფონდის და ნავთობის და გაზის კორპორაციის შვილობილი კომპანია შპს “ქართლის ქარის ელექტროსადგური“ ასრულებს.

მასშტაბური არა, თუმცა, კერძო სახის პროექტი თბილისშიც შედგა. აეროპორტის მიმდებარე ტერიტორიაზე იაპონიის ფინანსური მხარდაჭერით, მზის ელექტროენერგიის გამომუშავების სისტემა ამუშავდა. რისთვისაც 4, 5მლნ დოლარი დაიხარჯა. ექსპერტები მიიჩნევენ, რომ დაჩქარებული გლობალური დათბობის ფონზე, ალტერნატიული ენერგიის წყაროს გამომუშავება მნიშნელოვანია.

ალტერნატიული ენერგიის საერთო ქსელში ჩართვა უკვე კანონით განისაზღვრა. თუმცა ეს სამომხმარებლო ტარიფს ჯერ ვერ შეცვლის.

ქარის ელექტრო სადგურის მშენებლობა 2016 წლის სექტემბერში დასრულდება. დეკემბრიდან კი,  სრული დატვირთვით ამოქმედდება. კომპანია ახალი სადგურების მშენებლობას კახეთსა და იმერეთშიც გეგმავს.