|
გიორგი პაპუაშვილი ინარჩუნებს ბინას, რომლის ყოფილი მფლობელიც მას მიტაცებულს უწოდებს. საქალაქო სასამართლომ რომან ბლადაძის სარჩელი არ დააკმაყოფილა.
საკონსტიტუციო სასამართლოს თავმჯდომარემ სადავო ქონება ისევ შეინარჩუნა. საქალაქო სასამართლოს მოსამართლე დიანა ფარქოსაძემ არ დააკამყოფილა რომან ბლადაძის სარჩელი, უკანონოდ ჩამორთმეული ქონებისა დაბრუნებისა და საკონსტიტუციო სასამართლოს თავმჯდომარის არაკეთილსინდისიერ შემძენად ცნობის თაობაზე,
1999 წელს შეძენილი ბინა ბლადაძეებმა 2004 წელს დაკარგეს. მაშინდელმა ხელისუფლებამ ქონების ჩამორთმევის მიზეზად, არაკეთილსინდისიერად შეძენა დაასახელა. ბინა ჯერ ეკონომიკისა და მდგარადი განვითარების სამინისტროს გადაეცა, 2007 წელს კი, ის გიორგი პაპუაშვილმა სიმბოლურ ფასად - 1 000 ლარად შეიძინა.
იურისტის განმარტებით, მოსამართლე დიანა ფარქოსაძემ დღევანდელი გადაწყვეტილება ზეწოლის შედეგად მიიღო. სასამართლო ამ ინფორმაციას უარყოფს . პროცესს არ დასწრებია არც გიორგი პაპუაშვილი და არც ეკონომიკის სამინისტროს წარმომადგენელი.
თბილისის საქალაქო სასამართლომ დღის განმარტა, რომ სადავო ქონება გიორგი პაპუაშვილზე, გასხვისებისას სახელმწიფო საკუთრებას წარმოადგენდა. შესაბამისად, ნასყიდობის ხელშეკრულება კანონის დაცვით შედგა. ბლად
აძის ოჯახი საქალაქო სასამართლოს გადაწყვეტილებას გაასაჩივრებს. ადვოკატი სარჩელს ევროსასამართლოშიც გაგზავნის.
