|
ექსპერტიმ მამუკა არეშიძე საკონსტიტუციო სასამართლოს ზოგიერთ მოსამართლეზე ფარული ჩანაწერების გამოქვეყნებას აანონსებს. სცენარის ავტორად კი, ყოფილ ხელისუფლებას ასახელებს.
არეშიძის თქმით, ამ კადრების გავრცელება ხელისუფლების დისკრედიტაციას ისახავს მიზნად. მმართველ გუნდში კი აცხადებენ, რომ საკონსიტუციო სასამართლოს გარშემო განვითარებული მოვლენების შესახებ ინფორმაციას საერთაშორისო ორგანიზაციებს აცნობებენ.
პაპუაშვილის მიერ გაკეთებულ არაერთ სკანდალურ განცხადებებს შორის, ყველაზე ხმაურიანი მაინც ბოლო განცხადება - საკონსტიტუციო სასამართლოს მოსამართლეებზე ზეწოლის ფაქტები აღმოჩნდა. თუმცა, არც ერთმა მოსამართლემ ზეწოლის ფაქტი არ დაადასტურა.
რაც შეეხება პაპუაშვილის მიერ დასახებული „კაბელების საქმის“ და უგულავას ადვოკატების მოთხოვნას გაფლანგვის ნორმატიული შინაარსის ნორმის გაუქმების შესახებ, როგორც „ქართული ოცნების“ პოლიტსაბჭოს წევრი, მამუკა მდინარაძე, ამბობს, ევროპაში ანალოგიური ნორმების გაუქმების პრეცედენტი არ არსებობს.
საკონსტიტუციო სასამართლო მაქსიმალურად შორს უნდა იდგეს პოლიტიკისგან - ამბობს სამართლის დოქტორი, ვასილ გონაშვილი
პაპუაშვილმა მის მიმართ არსებული ბრალდებები დღეს უპასუხოდ დატოვა. დღის ბოლოს კი, სპეციალური განცხადება სულ სხვა თემაზე გაავრცელა, რომელიც საარჩევნო კანონმდებლობაში ცვლილებების შეტანას და საარჩევნო ოლქების ხელახალი ადმინისტრირებას ეხებოდა.
