|
"ქართული ოცნებიდან" ამბროლაურის, ონის, ცაგერის, ლენტეხისა და მესტიის მაჟორტარობის კანდიდატი გოჩა ენუქიძე იქნება.
გოჩა ენუქიძე საქართველოს პრემიერ-მინისტრმა, პარტიის თავმჯდომარემ გიორგი კვირიკაშვილმა დღეს წარადგინა.
გოჩა ენუქიძე ორი მოწვევის პარლამენტის წევრია. პრემიერის განცხადებით, გოჩა ენუქიძე ძალიან გამოცდილი, საქმის ერთგული კაცია და ის არც ერთი წუთით არ მოაკლებს ყურადღებას მოსახლეობის ინტერესების დაცვას.
”მინდა გითხრათ, რომ წლევანდელ არჩევნებში სიახლეა - 5 საარჩევნო ოლქი ერთ ოლქად გაერთიანდა - ეს არის ამბროლაურის, ონის, ცაგერის, ლენტეხისა და მესტიის საარჩევნო ოლქი და თქვენ პარლამენტში გეყოლებათ ერთი წარმომადგენელი. „ქართული ოცნება“ ამ გაერთიანებული ოლქის მაჟორიტარად წარმოგიდგენთ გოჩა ენუქიძის კანდიდატურას. ბატონი გოჩა გახლავთ ორი მოწვევის პარლამენტის წევრი. ძალიან გამოცდილი, საქმის ერთგული კაცია. დარწმუნებული ვარ, გაერთიანებული ოლქის წარმომადგენლობა ბატონი გოჩას პასუხისმგებლობას კიდევ უფრო გაზრდის და ერთი წუთით არ მოაკლებს ყურადღებას თქვენი ინტრესების დაცვას”, - განაცხადა კვირიკაშვილმა.
