|
2012 წლის სექტემბერში, სწორედ ნინოწმინდაში მკონიანის ნათესავებმა ოპოზიციური პარტიის მხარდამჭერებს, ქვები დაუშინეს.
ფაქტი მესამე სექტორის ანგარიშშიც მოხვდა.
4 მოწვევის პარლამენტის წევრმა „ნაციონალური მოძრაობა“ არჩევნებში დამარცხების შემდეგ დატოვა და თავი დამოუკიდებელ დეპუტატად გამოაცხადა. დღეს, მას „ოცნება“ მონანიების უფლებას აძლევს.
ენზელ მკოიანი, საქართველოს ოთხი მოწვევის პარლამენტის წევრია. წლების განმავლობაში ის, „ნაციონალური მოძრაობის“ რიგებში ირიცხებოდა, თუმცა 2012 წელს, ხელისუფლების შეცვლამ მისი პოლიტიკური გემოვნება და გეგმებიც შეცვალა.
მკოიანმა პარტია დატოვა და თავი უპარტიო დამოუკიდებელ მაჟორიტარად გამოიცხადა.
ენზელ მკოიანის პოლიტიკური წარსულს, არც მისი და არც „ქართული ოცნების“ გეგმებისთვის ხელი არ შეუშლია.
ის პრემიერმა მაჟორიტარი დეპუტატობის კანდიდატად, ახალქალაქსა და ნინოწმინდაში წარადგინა.
2016 წლის საპარალმენტო არჩევნებში „ქართული ოცნების“ სახელით „ნაციონალური მოძრაობის“ სხვა ყოფილი წევრებიც მონაწილეობენ.
კახა ოქრიაშვილთან, გიორგი თორთლაძესთან და თამაზ ნავერიანთან ერთად ენზელ მკოიანს, გამარჯვებისთვის ბრძოლა ყოფილი თანაგუნდელების წინააღმდეგ მოუწევთ.
