|
სამტრედიაში 22 წლის დემურ სტურუამ თავი მოიკლა. თვითმკვლელობის მიზეზი სავარაუდოდ პოლიციელის მუქარა გახდა. საქმეს პროკურატურა იძიებს.
ტრაგედია, სამტრედიის რაიონის სოფელ დაფნარში 8 აგვისტოს მოხდა. გარდაცვლილის დედა შვილის თვითმკვლელობამდე მიყვანაში პოლიციელს ადანაშაულებს. ამბობს, რომ ინსპექტორ-გამომძიებლი გოდერძი თევზაძე მის შვილს სისტემატიურად სცემდა.
თვითმკვლელობამდე სტურუამ წერილი დაწერა, რომლის მიხედვით-თევზაძე, მას თანასოფლელების დასმენას აიძულებდა და ემუქრებოდა.
მომხდარ ფაქტზე სამტრედიის პოლიციაში კომენტარი არ გააკეთეს. როგორც „მაესტრომ“ გაარკვია, გოდერძი თევზაძემ პირადი განცხადების საფუძველზე პოსტი უკვე დატოვა და გამოძიების დასრულებამდე კადრების განკარგულებაში გადავიდა.
საქმე დასავლეთ საქართველოს საოლქო პროკურატურის საგამოძიებო ნაწილს გადაეცა.
პროკურატურის ინფორმაციით,
შემთხვევის ადგილის დათვალიერება უკვე დასრულდა, დაინიშნა
სასამართლო-სამედიცინო ექსპერტიზა.
საფუძველზე საქმის მოკვლევა დაიწყო ომბუდსმენის აპარატმაც.
გამოძიება თვითმკვლელობამდე მიყვანის მუხლით მიმდინარეობს.ბრალის დამტკიცების შემთხვევაში, დამნაშავეს ოთხ წლამდე პატიმრობა ემუქრება.
