აჭარაში ამომრჩეველთან მუშაობა „ქართულ ოცნებაზე“ ადრე
„ნაციონალურმა მოძრაობამ“ დაიწყო.
თანაც გაძლიერებული შეადგენლობით,
რეგიონში არჩევნების მოსაგებად სპეციალურად
ჩამოსული ვარშალომიძის შემდეგ, აჭარლებს
განსაკუთრებულად თბილი მიმართვა მიხეილ სააკაშვილმა
ოდესიდან გამოუგზავნა, როგორც აღმოჩნდა საქართველოს
ყოფილი პრეზიდენტი განსკუთრებულ იმედებს,
სწორედ აჭარაზე ამყარებს.
ბოლო საპარლამენტო არჩევნებზე
წარუმატებლობის შემდეგ „ნაციონალური მოძრაობის“ და ყოფილი პრეზიდენტის
მთავარი ფსონი ლევან ვარშალომიძეა, აჭარის უმაღლესი საბჭოს არჩევნებში
პარტიის სიის პირველი ნომერი, რომელსაც აჭარაში კარგად
იცნობენ.
ყოფილი მმართველი გუნდი მოქმედს, საარჩევნო სტრატეგიასთან ერთად
საკადრო გადაწყვეტილებებსაც უწუნებს.
აჭარის „ნაციონალური მოძრაობის“ კანდიდატების წარდგენას ყოფილი
პრეზიდენტი, თვალს ოდესიდან, თანამედროვე ტექნოლოგიების დახმარებით
ადევნებდა.
საარჩევნოდ მოქალაქეების გააქტიურების მცდელობას ხელს მანძილი არ
უშლის, მითუმეტეს მაშინ თუ „ნაციონალური მოძრაობა“ არჩევნებისთვის
სანდრა რულოვსს ამზადებს.
პარტიაში ჯერ არ ამხელენ, ინახავენ თუ არა საარჩევნო კოზირს და
გააგრძელებს თუ არა ყოფილი პრეზიდენტის პოლიტიკურ გეგმებს მისი
მეუღლე.
