ვანო მერაბიშვილის  საკნიდან შესაძლო გაყვანის საქმის ძიება ახალ ეტაპზე გადადის.

დღეს, საგამოძიებო უწყებამ სასჯელაღსრულების  დეპარტამენტის ხელმძღვანელის ყოფილ მრჩეველი დაკითხა.

ლალი მოროშკინას დაკითხვის მთავარი თემა  ექსპრემიერის განცხადება იყო, რომელიც ვანო მერაბიშვილმა ჯერ კიდევ 2014  წელს გააკეთა. მერაბიშვილის  საკნიდან გაყვანის შესაძლო ფაქტი, სტრასბურგის სასამართლოს ყურადღების ცენტრშიც მოექცა და გამოძიება  მხოლოდ ახლა, სტრასბურგის სასამართლოს დასკვნის შემდეგ  დაიწყო.

ყოფილი პრემიერ-მინისტრი მაშინ ამტკიცებდა, რომ ის იძულებით გაიყვანეს საკნიდან და  იმჟამინდელი მთავარი პროკურორი და სასჯელაღსრულების დეპარტამენტის ხელმძღვანელი , ზურაბ ჟვანიასა და მიხეილ სააკაშვილის საქმეებზე ჩვენების მიცემას აიძულებდნენ.

2-წლიანი პაუზის შემდეგ მთავარმა საგამოძიებო უწყებამ იმჟამინდელი სასჯელაღსრულების დეპარტამენტის უფროსის მრჩეველი დაკითხა.

ლალი მოროშკინა დარწმუნებულია, რომ ციხიდან მერაბიშვილი არ გაუყვანიათ. ამის დამტკიცება კი უფრო მარტივი იმ შემთხვევაში იქნებოდა, თუკი  გამოძიება ცხელ კვალზე დაიწყებოდა.