წახალისებული ძალადობა-წესრიგის
სახელით.
26 მაისის დარბევიდან 5 წლის შედეგ
პროკურატურამ ,,მრისხანების ღამის“ ორგანიზატორთა ჩანაწერები
გაასაჯაროვა...
დათა ახალაიას არითმეტიკით
მეტი დაკავებული, მეტი პრემიაა. ყოფილმა მაღალჩინოსანმა კუდი-ის
ქვედანაყოფებს პრაქტიკულად მშვიდობიანი მოქალაქეების დარბევაში
ფული გადაუხდა.
საგანგებო ბრიფინგი აღნიშნულ
თემაზე მთავარ პროკურატურაში გაიმართა .
პროკურატურა 26 მაისის ამ დრომდე
უცნობ კადრებს ასაჯაროვებს. საგამოძიებო უწყების განცხადებით, ეს
მასალა საქმის ახალი გარემოება და ყოფილი მაღალჩინოსნების ბრალეულობის
დამადასტურებელია. შესაბამისად, დანაშაულებრივი ბრძანების გაცემისა და
შესრულებისთვის დღეს კუდის 4 ყოფილ მაღალჩინოსანს ბრალი
წაუყენეს.
სახელმწიფო ბრალდების მტკიცებით,
ვიდეომასალიდან ირკვევა, როგორ გასცემს კუდის ყოფილი უფროსი დათა
ახალაია მშვიდობიანი მოქალაქეების დაკავებისა და დასჯის ბრძანებას,
რის სანაცვლოდაც თანამშრობლებს ფულად პრემიას ჰპირდება. პროკურატურაში
ამბობენ, რომ კადრების ავთენტურობა ექპერტიზით
დადასტურებულია.
