მთავრობის მეთაური ამომრჩეველს, 8 ოქტომბერს, არჩევნებზე მისვლისკენ მოუწოდებს და ამბობს, რომ საზოგადოებამ მომავალზე პასუხსიმგებლობა უნდა აიღოს და ხმა ქვეყნის თავისუფლებას და კეთილდღეობას მისცეს.

"სულ  სამი დღე დარჩა არჩევნებამდე,  გარკვეულწილად შეიმჩნევა ემოციების მატება, ინციდენტების რაოდენობამ ბოლო დღეების განმავლობაში მოიმატა
მინდა კიდევ ერთხელ მოვუწოდო ყველას,  განსაკუთრებით “ქართული ოცნების” მხარდამჭერებს, ადგილობრივი ხელისუფლების წარმომადგენლებს,   მაქსიმალურად შევიკავოთ ემოციები,- განუცხადა. პრემიერ-მინისტრმა  ჟურნალისტებს

როგორც პრემიერმა აღნიშნა, ქვეყნის ინტერესებშია, რომ როგორც აქამდე მოვედით მშვიდობიანად, ისე მივიდეთ არჩევნებამდე,  ჩატარდეს მაქსიმალურად მშვიდობიანი არჩევნები,  რომელიც თავისუფალი იქნება ყველანაირი კონფრონტაციისგან.

„ჩვენ ძალიან ბევრს ვმუშაობთ სამართალდამცველებთან ერთად, რათა მაქსიმალურად მოვახდინოთ პრევენცია ასეთი შემთხვევბის. რეაგირება ბოლო დღეების ინცოდენტებთან მიმართებაში უკვე იყო,  რამოდენიმე ინციდენტის ნაწილში ბრალდებულები დაკავებულებიც არიან.  ამიტომ ვფიქრობ, რომ დღეს კიდევ ერთხელ მინდა მოვუწოდო ყველას, მასქიმალურად შევიკავოთ ნერვები, ემოციები  ბოლო სამი დღის განმავლობაში,  მივიდეთ მშვიდობიანად არჩევნებამდე და ღირსეულად ჩავატაროთ არჩევნები, ეს არის მნიშვნელოვანი ჩვენო ქვეყნის მომავლისთვის, ქვეყნის დემოკრატიული განვითარების მიმართულებით, ამას იმსახურებს ჩვენი ქვეყნის მოსახლეობა.  ჩვენ აქამდე მოვედით მშვიდად, რისთვისაც ძალიან დიდი ბრძოლა გასწია ქვეყნის მოსახლეობამ, მთავრობამაც ბევრი იმუშავა.  ამიტომ კიდევ ერთხელ მოგიწოდებთ, გთხოვთ,  ემოციები დავაცხროთ, ტემპერატურა დავწიოთ,  მივიდეთ არჩევნებამდე მშვიდად და მშვიდობიანად ჩავატაროთ არჩევნები“,-აღნიშნა გიორგი კვირიკაშვილმა.