საარჩევნო კომისიის მუშაობისთვის
ხელის შეშლის და პოლიციელებისთვის წინააღმდეგობის
გაწევის ფაქტზე, 6 პირის დაკავებასთან დაკავშირებით შინაგან
საქმეთა სამინისტრო განცხადებას ავრცელებს, " კატეგორიულად უარვყოფთ
ერთ-ერთი პოლიტიკური პარტიის წევრების მხრიდან პოლიციის მისამართით
გაკეთებულ განცხადებებს, რომლებიც მხოლოდ სამართლდამცველთა
დისკრედიტაციას ისახავს მიზნად. ზემოხსენებული პირების დაკავება მოხდა
რუსთავის საქალაქო სასამართლოს განჩინების საფუძველზე. დაკავების
ოპერაცია განხორციელდა კანონთან სრულ შესაბამისობაში და მიღებული
საერთაშორისო სტანდარტების დაცვით. სამართლდამცველები მოქმედებდნენ
საკუთარი დისკრეციული უფლებამოსილების ფარგლებში. რამდენიმე პირმა
პოლიციას დაკავებისას ფიზიკური წინააღმდეგობა გაუწია. მათ მიმართ
გატარებული იქნა კანონით გათვალისწინებული ზომები. სინამდვილეს არ
შეესაბამება ცალკეული პირების მიერ გავრცელებული ინფორმაცია იმის
თაობაზე, თითქოს შსს-ს დროებითი მოთავსების იზოლატორში დაკავებულებს
ფიზიკური შეურაცხყოფა მიაყენეს. აღსანიშნავია, რომ არსებობს
შესაბამისი დოკუმენტური მტკიცებულებები, ოქმებისა და ფოტომასალის
სახით.- ნათქვამია შინაგან საქმეთა სამინისტროს განცხადებაში
