|
ფართო ჩართულობით, ფართო კონსესუსის საფუძველზე და სწორედ ამისათვის, უნდა შეიქმნას სამუშაო ჯგუფი. ეს შეიძლება იყოს კომისია ან სხვა მსგავსი ფორმატი, რაზეც დღეს ისაუბრა პრემიერ-მინისტრმა, ეს განცხადება დღეს, „ქართული ოცნების“ აღმასრულებელმა მდივანმა ირაკლი კობახიძემ გააკეთა.
მისი განმარტებით, კიდევ ერთხელ, ფართო კონსესუსის საფუძველზე უნდა გადაისინჯოს საქართველოს კონსტიტუცია. ჩვენ არაერთხელ ვთქვით, რომ არცერთი წინასწარ მიღებული გადაწყვეტილება არ გვაქვს კონსტიტუციის არცერთ ნორმასთან მიმართებით. საჭიროა მუშაობა თითოეულ ნორმასთან დაკავშირებით. ცვლილებები შეიძლება შეეხოს ცალკეულ ნორმას, შეიძლება შეეხოს მთელ რიგ ზოგად საკითხებს. რაც შეეხება მმართველობის ფორმას, მმართველობის ფორმას არა მგონია შეეხოს ძირეული ცვლილებები- აცხადებს ირაკლი კობახიძე.
საქართველოს პარლამენტის ვიცე სპიკერი, მანანა კობახიძე კი „ნაციონალურ მოძრაობას“ საკონსტიტუციო უმრავლესობის თემით მანიპულირებაში ადანაშაულებს.
კობახიძე ფიქრობს, რომ „ნაციონალური მოძრაობა“ ამომრჩევლის დაბნევას ცდილობს და ამ მიზნით ხელოვნურად ქმნის აჟიოტაჟის არჩევნების მეორე ტურისთვის.
