რუსეთის საგარეო    უწყება სპეციალურ   განცხადებას    ავრცელებს. როგორც  განცხადებაში     წერია, საქართველოსა   და რუსეთში   ჩატარებული საპარლამენტო არჩევნების შემდეგ, მხარეები დიპლომატიური ურთიერთობების არქონის პირობებში, დაინტერესებული არიან, დიალოგი იმ    სფეროებში გააგრძელონ, სადაც პროგრესი შესაძლებელია  - ვაჭრობა, ტრანსპორტი, კულტურულ-ჰუმანიტარული სფერო.  რუსული მხარე აღნიშნავს, რომ ბოლო ოთხი წლის განმავლობაში ორმხრივი    ნორმალიზაციის   შედეგები    ოპტიმისტურია.
საუბარია   იმაზეც,  რომ   რუსეთში   ქართული   ღვინის   ექსპორტი   გაიზარდა.  სწორედ ამიტომ    მოსკოვში    ფიქრობენ, რომ    ნოემბერში   თბილისში    დაგეგმილი    რუსი    და   ქართველი    ბიზნესმენების    შეხვედრა    ეკონომიკური      კავშირების    გამყარებას   ხელს შუწყობს.  საუბარი შეეხო რუსეთსა და საქართველოს შორის საჰაერო და საავტომობილო გადაზიდვების საკითხსაც.  რუსეთის საგარეო საქმეთა სამინისტრო აცხადებს, რომ საქართველოს მოქალაქეებისთვის სავიზო რეჟიმის ლიბერალიზაციაზე მუშაობა გაგრძელდება.
ზურაბ აბაშიძისა და გრიგორი კარასინის მორიგი შეხვედრა 2017 წლის დასაწყისში გაიმართება.