საგანგებო სიტუაციების მართვის
ახალი ცენტრი რუსთავში.
112 შენობა ქალაქის ახალ ნაწილშია
განთავსებული. - გახსნის ცერემონიას დღეს პრემიერ-მინისტრი და შინაგან
საქმეთა უწყების ხელმძღვანელი ესწრებოდნენ.
პრემიერმა და
შინაგან საქმეთა მინისტრმა ახლადგახსნილი ცენტრი დაათვალიერეს
და პირველ ზარს უპასუხეს. კვირიკაშვილმა ცენტრის თანამშრომლებს
მუშაობის დაწყება მიულოცა, წარმატებები უსურვა და აღნიშნა, რომ სწორედ
მათ პროფესიონალიზმზეა დამოკიდებული მოქალაქეების მშვიდი ძილი,
უსაფრთხოება და ჯანმრთელობა.
„შინაგან საქმეთა
სამინისტროს 112-ის დეპარტამენტი არის ქვეყნის მასშტაბით მოქმედი
ერთიანი სამსახური, რომელიც გადაუდებელი შემთხვევების შესახებ პირველი
იღებს ინფორმაციას ჩვენი მოქალაქეებისგან. ჩვენ ვიცით, რომ
ფორსმაჟორულ ვითარებაში ყველა წამი გადამწყვეტია და ყოველთვის უნდა
ვიყოთ მზად კვალიფიციური დახმარებისათვის. ჩვენ ყველაფერს ვაკეთებთ
იმისთვის, რომ დაცული იყოს თითოეული ადამიანის უსაფრთხოება და
მუდმივად ვითვალისწინებთ მსოფლიოს საუკეთესო პრაქტიკას“, – განაცხადა
პრემიერ-მინისტრმა.
