თბილისის ბიუჯეტის პროექტი
საკრებულოში უკვე შევიდა.
დედაქალაქის მთავარი ფინანსური
დოკუმენტის პირველადი ვარიანტი 800 მილიონი ლარით განისაზღვრა. დავით
ნარმანიას განცხადებით, ბიუჯეტში უცვლელი პრიორიტეტები
განწვანება, საბავშვო ბაღებზე ზრუნვა და მუნიციპალური ტრანსპორტი
იქნება. თბილისის მერი ამბობს, რომ ბიუჯეტი დედაქალაქის
საჭიროებებზე ორიენტირებულია, თუმცა განსხვავებული პოზიცია აქვს
საკრებულოს ოპოზიციას. დეპუტატები ბიუჯეტის პროექტის
მხარდაჭერას, მხოლოდ იმ შემთხვევაში აპირებენ, თუ დოკუმენტში
ადმინისტრაციული ხარჯები იქნება შემცირებული და ძირითადი
პრიორიტეტების ნუხსაც ხალხის საჭიროებებს ასახავს. საკრებულოს
ოპოზიცია ფიქრობს, რომ თბილისის ბიუჯეტის პროექტი მმართველი გუნდის
ინტერესებზე იქნება ორიენტირებული და ამბობენ, რომ მათ ბიუჯეტის
პროექტის შემუშავების პროცესში ჩართვის საშუალება არ ჰქონდათ.
პროექტის საკრებულოში
გადაგზავნისა და 10 დღიანი განხილვის შემდეგ, თვითმმართველი
ორგანოს წევრები ბიუჯეტის პროექტს დედაქალაქის მთავრობას შენიშვნებით
დაუბრუნებენ და დოკუმენტს ახალ წლამდე დაამტკიცებენ.
