კიდევ ერთი დაპირისპირება პარლამენტში 
ემზარ კვიციანსა და ირაკლი აბესაძეს შორის  არჩევანი კვლავ ვერ გაკეთდა. თავდაცვისა და უშიშროების საპარლამენტო კომიტეტის შემადგენლობა ოპოზიციის კვოტით კომიტეტის თავმჯდომარის მოადგილის ასარჩევად დღესაც უშედეგოდ  შეიკრიბა. კენჭისყრაზე აბესაძეს კომიტეტის 8 წევრმა დაუჭირა მხარი. მას თანამდებობის დასაკავებლად მხოლოდ 1 ხმა დააკლდა, გადაწყვეტილების მისაღებად  რეგლამენტის თანახმად  9 დეპუტატის მხარდაჭერაა საჭირო. ემზარ კვიციანს კი მხარი კომიტეტის 5-მა წევრმა დაუჭირა, მათ შორის იყვნენ კომიტეტის თავმჯდომარის მოადგილე, კობა კობალაძე, ასევე კობა ნარჩემაშვილი და ვიქტორ ჯაფარიძე. 
ცნობილია, რომ ქვოტების მიხედვით  კომიტეტის თავმჯდომარეების  მოადგილეებში 12 მოადგილის პოსტი "ნაციონალური მოძრაობის" 3 კი ინაშვილის გუნდის წევრებს უნდა დაეკავებინათ.

ირაკლი სესიაშვილი აცხადებს, რომ ამ შეთანხმებას დეპუტატებმა პატივი უნდა სცენ, თუმცა დღეს, ემზარ კვიციანმა განაცხადა, რომ ამ საკითხზე  მასთან  არანაირი შეთანხმება არ ყოფილა.

კენჭისყრის პროცესს წინ უძღოდა კამათი კომიტეტის წევრებს შორის. ოპოზიციის კვოტით თავმჯდომარის მოადგილის არჩევის საკითხს თავდაცვის კომიტეტი მოგვიანებით დაუბრუნდება.