პროექტზე პირველი მოსმენა  რამდენიმე კომიტეტის გაერთიანებულ სხდომაზე მიმდინარეობს. პარლამენტის საფინანსო-საბიუჯეტო კომიტეტის თავმჯდომარის, ირაკლი კოვზანაძის, თქმით, პირველად პროექტთან შედარებით, მომავალი წლისთვის შემოსავლების პროგნოზი 774 მილიონი ლარით, ხოლო ხარჯები 334 მილიონი ლარით არის გაზრდილი. კოვზანაძემ ბიუჯეტის ძირითადი პარამეტრების შესახებაც ისაუბრა და აღნიშნა, რომ 1 მილიარდ 270 მილიონი ლარით მეტი დაიხარჯება 2017 წელს, ვიდრე 2016 წელს. მისი თქმით, ხარჯვითი ნაწილი ეზრდება სამ სამინისტროს, ესენია- განათლების, ჯანდაცვისა და ინფრასტრუქტურის სამინისტროები.