„აღმოსავლეთ პარტნიორობის ქვეყნებში პერსონალურ მონაცემთა დაცვის უფლების გაძლიერებაზე მუშაობა მიმდინარეობს.

ამ მიმართულებით სამუშაო შეხვედრა საერთაშორისო კონფერენციის ფარგლებში დღეს, თბილისში დაიწყო. შეხვედრაზე  პერსონალურ მონაცემთა დაცვის საერთაშორისო და ევროპული სტანდარტებზე, არსებულ სიახლეებზე, პერსონალურ მონაცემთა დაცვის საზედამხედველო ორგანოების როლსა და სისტემის დამოუკიდებლობის გარანტიებზე მსჯელობენ. კონფერენციის დღის წესრიგშია აღმოსავლეთ პარტნიორობის ქვეყნების პერსონალურ მონაცემთა დაცვის საზედამხედველო ორგანოების რეგიონული ქსელის ჩამოყალიბების საკითხიც.